Со оваа активност учениците ќе имаат можност да се релаксираат преку креирање на своја безбедносна сцена, да прикажат каква е или каква треба да биде околината додека возат велосипед. Преку визуелен и креативен метод на учење децата ќе имаат можност да ја изразат својата имагинација, со тоа што ќе прикажат безбедносна сцена за возење велосипед.
Како се спроведува самата активност:
- Секој ученик во одделението треба да добие примерок од активноста.
- Секој ученик индивидуално треба да нацрта безбедносна сцена за возење велосипед.
- Дали е тоа можеби најблискиот парк, или пак своето маало или идеја каква би сакале да биде околината додека возиме велосипед-останува на самите ученици да ја употребат својата креативност и прикажат како и да ја опишат во две комплетни реченици.
Потребни материјали:
- Испечатен примерок од активноста за секој ученик
- Боички: дрвени, мрсни, водени, темперни, фломастери
Очекувани резултати:
- Воочување на важноста за безбедноста на средината додека возиме велосипед
- Развивање на сопствената креативност и имагинација
- Добра забава
Времетраење на активноста:
20-30 минути
Дополнителни информации:
Мотиварајте ги учениците да го опишуваат сопствениот цртеж додека цртаат-што е тоа што прво го забележуваат на патот додека возат велосипед, дали возењето на велосипедска патека им дава безбедно чувство и сл.
