Велосипедизмот претставува економски, енергетски и еколошки најодржлива форма на превозно средство. Идеален за кратки или умерени растојанија, со бројни позитивни придобивки по здравјето на луѓето. Претставува добра пракса, здрав живот, здрави животни навики за чиста и здрава животна средина. Меѓутоа претставува и идеално средство за релаксација и уживање. Без разлика на кој начин се користи, сопствениот велосипед е потребно да биде соодветно проверен и подготвен, пред да се почне со возење.
Со оваа активност, преку визуелен начин на учење и секако практичното учење, децата ќе имаат можност во домашни услови, следејќи ги едноставните начини, да го проверат својот велосипед, пред да започнат со неговото користење.
Како се спроведува самата активност:
- Секој ученик е потребно да добие испечатен примерок од 7те едноставни начини за проверка на велосипедот во домашни услови.
- Наставничката/кот може на глас да ги прочита пред целото одделение и да развие дискусија за секое правило поединечно со цел соодветно разјаснување.
- Доколку е возможно истите овие начини можете и директно на лице место да ги спроведете. Потребно е само да имате минимум еден велосипед пред вас.
Едноставните начини за проверка на вашиот велосипед во домашни услови можете да ги превземете на следниот:
Потребни материјали:
- Испечатен примерок за секој ученик од едноставните начини како да го проверат својот велосипед во домашни услови.
- Велосипед (доколку имате можност и практично да ја покажете вежбата пред целото одделение).
Очекувани резултати:
После реализирањето на оваа активност, учениците ќе можат сами да ја извршуваат проверката на својот велосипед во домашни услови, секогаш кога ќе им биде потребно.
Времетраење на активноста:
30 минути
Дополнителни информации:
Споделуваме со вас и дополнителни линкови, кои може да ви послужат во спроведување на активноста:
https://www.rei.com/learn/expert-advice/bike-maintenance.html
