Најдобриот начин да се унапредува самата вештина за возење велосипед, како и да се научат основните информации за безбедност во сообраќајот е да се вежба теоретски и практично.
Со оваа активност учениците ќе можат практично да научат како да постапат кога е потребно итно да запрат со велосипедот или да запрат на мал простор.
Како се спроведува самата активност:
- Кога е итно, секој што вози велосипед мора да запре најбрзо што може, без да изгуби контрола или да падне.
- За спроведување на оваа активност најпрво се обележува стартната точка и крајната цел.
- Учениците треба да почнат на стартната линија и да возат кон крајната цел, притоа приближувајќи се кон крајот тие не треба да вртат со педалите во моментот пред да закочат на крајната линија.
- За поголема контрола на кочењето, учениците треба да ги испружат рацете и да си ја пренесат тежината наназад колку што можат повеќе.
- Со педалите на позиција 3 и 9 часот, учениците се доволно подкренати да си ја пренесат тежината назад и да одржат баланс за педалите во ризична ситуација.
- Имајте во предвид задолжително да има возрасна личност на крајот, пред самата цел, каде пристигнуваат учениците, во случај некој од нив да ја изгуби контролата при закочувањето и да падне.
Потребни материјали:
- Велосипед/и
- Заштитна кацига
- Креди за обележување
- Конуси (опционално)
Очекувани резултати:
После спроведувањето на оваа активност учениците ќе бидат вешти при итно запирање, како и запирање на мал простор.
Времетраење на активноста:
45 минути
Дополнителни информации:
- Користете креда, конуси или други тврди предмети за да креирате терени и граници. Не се двоумете за варијации или прецизни терени со цел да ги предизвикате учениците. Поставувањето на теренот е добра шанса да ги натерате волонтерите или учениците активно да се приклучат во неговото поставување.
- Родителите исто така можат да бидат вклучени во следење, запазување, и охрабрување на учениците во спроведување на самата активност. Ваквиот вид на активности се одлична шанса за родителите да бидат исто активни, па и тие да научат соодветни велосипедски техники и да ги гледаат учениците како ги подобруваат сопствените велосипедски вештини додека се забавуваат.
- Имајте во предвид дека кога децата се на велосипедите, нормално е да се забавуваат и да се енергични. Вежбајте и демонстрирајте вакви активности однапред. Насочете го ентузијазмот на децата во оформени активности преку јасни правила, фокусирајте се на забава, и гледајте ги учениците како напредуваат и стануваат се подобри во сопствените велосипедски вештини.
