Најдобриот начин да се унапредува самата вештина за возење велосипед, како и да се научат основните информации за безбедност во сообраќајот е да се вежба теоретски и практично. Активностите кои ги споделуваме преку серијалот на активности за велосипедизам се одличен начин за учениците да ги унапредат сопствените велосипедски вештини во безбедна средина без сообраќај, додека истовремено се забавуваат и учат нови нешта.
Со оваа активност учениците ќе можат да го унапредат сопствениот начин на возење велосипед, а со тоа избегнувањето на камења или било која друга пречка на патот, како и одржувањето на контрола и баланс.
Како се спроведува самата активност:
- Преку оваа активност, учениците со својот велосипед се доближуваат до пречка (нешто меко) или можеби некое мало камче и брзо се престројуваат со предните тркала за да не го удрат.
- Тие учат за важноста на предното тркало за маневрирање околу пречки, и со тоа задните тркала ја преминуваат пречката, се избегнуваат опасности додека се на теренот.
- На отворено, возејќи велосипед секој од нас имал прилика дека е потребно да избегнува камења, ѓубре, нечистотии или дупки. Затоа оваа вежба е практична како учениците да научат да ги избегнуваат дадените пречки најпрво во контролирана и ограничена средина како училишниот двор, за да ги истакнат сопствените вештини кога ќе возат на отворено и рекреативно.
Потребни материјали:
- Велосипед/и
- Заштитна кацига
- Креди за бележење на теренот
- Конуси (опционално)
- Желба за учење и унапредување на сопствените велосипедски вештини
Очекувани резултати:
После спроведувањето на оваа активност, одржувањето на баланс и контрола како велосипедски вештини ќе бидат подобрени кај учениците.
Времетраење на активноста:
45 минути
Дополнителни информации:
- Користете креда, конуси или други тврди предмети за да креирате терени и граници. Не се двоумете за варијации или прецизни терени со цел да ги предизвикате учениците. Поставувањето на теренот е добра шанса да ги натерате волонтерите или учениците активно да се приклучат во неговото поставување.
- Родителите исто така можат да бидат вклучени во следење, запазување, и охрабрување на учениците во спроведување на самата активност. Ваквиот вид на активности се одлична шанса за родителите да бидат исто активни, па и тие да научат соодветни велосипедски техники и да ги гледаат учениците како ги подобруваат сопствените велосипедски вештини додека се забавуваат.
- Имајте во предвид дека кога децата се на велосипедите, нормално е да се забавуваат и да се енергични. Вежбајте и демонстрирајте вакви активности однапред. Насочете го ентузијазмот на децата во оформени активности преку јасни правила, фокусирајте се на забава, и гледајте ги учениците како напредуваат и стануваат се подобри во сопствените велосипедски вештини.
