Најдобриот начин да се унапредува самата вештина за возење велосипед, како и да се научат основните информации за безбедност во сообраќајот е да се вежба теоретски и практично.
Со оваа активност учениците преку практично учење, ќе можат да се подобрат во возењето на велосипед со една рака, како и одржувањето на контрола и баланс.
Како се спроведува самата активност:
- Во училишниот двор на одредено растојание поставете стол и на него шише со вода.
- Учениците возејќи велосипед треба да стигнат до столчето да успеат да го кренат шишето со вода, во текот на нивното возење, и да го предадат на следниот ученик.
- Како што ќе се подобруваат во изведување на самата активност, шишето може да се поставува пониско.
- Ова е забавен и предизвикувачки начин за да се подобри возењето со една рака и да се балансира додека се потпираат.
- Учениците не се ограничени колку пати да ја спорведат активноста.
Потребни материјали:
- Велосипед/и
- Заштитна кацига
- Шише
- Стол
Очекувани резултати:
После спроведувањето на оваа активност одржувањето на баланс и контрола како велосипедски вештини ќе бидат подобрени кај учениците.
Времетраење на активноста:
45 минути
Дополнителни информации:
- Користете креда, конуси или други тврди предмети за да креирате терени и граници. Не се двоумете за варијации или прецизни терени со цел да ги предизвикате учениците. Поставувањето на теренот е добра шанса да ги натерате волонтерите или учениците активно да се приклучат во неговото поставување.
- Родителите исто така можат да бидат вклучени во следење, запазување, и охрабрување на учениците во спроведување на самата активност. Ваквиот вид на активности се одлична шанса за родителите да бидат исто активни, па и тие да научат соодветни велосипедски техники и да ги гледаат учениците како ги подобруваат сопствените велосипедски вештини додека се забавуваат.
- Имајте во предвид дека кога децата се на велосипедите, нормално е да се забавуваат и да се енергични. Вежбајте и демонстрирајте вакви активности однапред. Насочете го ентузијазмот на децата во оформени активности преку јасни правила, фокусирајте се на забава, и гледајте ги учениците како напредуваат и стануваат се подобри во сосптвените велосипедски вештини.
