Употребата на рачни сигнали додека возите велосипед е од круцијално значење. Нивното учење и меморирање може да биде интересно и креативно, додека нивното практикување секојдневно и постојано додека возите велосипед.
Со оваа активност децата визуелно ќе се запознаат со рачните сигнали кои се употребуваат при возење на велосипед, и на практичен начин ќе имаат можност истите да ги употребат и меморираат.
Како се спроведува самата активност:
- Оваа активност може да се релизира во училница и надвор од неа (училишен двор, спортско игралиште, парк, итн.).
- Доколку активноста се реализира надвор од училница, потребни ќе бидат велосипеди и заштитни кациги за децата. Децата ќе може да се движат пешки или со велосипеди еден позади друг и да ги покажуваат рачните сигнали. Доколку одделението брои повеќе ученици, поделете ги во помали групи.
- Доколку ја реализирате активноста во училница велосипеди и кациги не се потребни.
- Наставникот ги покажува рачните сигнали со своите раце, на начин на кој е свртен со грб пред целото одделение.
- Учениците е потребно да ги копираат истите движење на наставникот.
Потребни материјали:
- Позитивно расположение
- Рачни сигнали кои може да ги превземете погоре
- Велосипеди и заштитни кациги доколку активноста ја спроведете во училишниот двор или на друго отворено место.
Очекувани резултати:
Учење и меморирање на рачните сигнали кои се употребуваат при возење на велосипед и практична примена во секојдневието.
Времетраење на активноста:
30-45 минути
Дополнителни информации:
Споделуваме и дополнителен линк, кој може да ви послужи во текот на спроведување на активноста:
https://blog.mapmyrun.com/10-cycling-hand-signals-need-know/
