Најдобриот начин да се унапредува самата вештина за возење велосипед како и да се научат основните информации за безбедност во сообраќајот е да се вежба теоретски и практично.
Активностите кои ги споделуваме преку серијалот на активности за велосипедизам се одличен начин за учениците да ги унапредат сопствените велосипедски вештини во безбедна средина без сообраќај, додека истовремено се забавуваат и учат нови нешта.
Оваа активност им помага на учениците во развивање на својата контрола, баланс и координација.
Како се спроведува самата активност:
- За да ја спроведете соодветно оваа активност потребно е да ги следите чекорите кои се наоѓаат во работниот дел (кој се наоѓа веднаш подолу со истиот наслов како и активноста). Во зависност од самата тежина на активноста, можете сами да одлучите дали некои од чекорите кои се посериозни или потешки за практикување да ги прескокнете и да ги направите само оние чекори во зависност од можностите и вештините на учениците за возење на велосипед.
- Пред самото спроведување на активноста треба да се имаат во предвид следните мерки на претпазливост:
-За да се одбегне судар треба да има простор барем колку за 2 велосипеди еден зад друг помеѓу терените кои се спојуваат
-Следниот ученик со велосипед не смее да тргне додека претходниот не ја помине крајната линија
-Да се постават терените на таков начин за учениците да се оддалечени еден од друг на крајот на теренот
Потребни материјали:
- Велосипед/и
- Заштитна кацига
- Креди за бележење
- Конуси (опционално)
Очекувани резултати:
После спроведување на оваа активност, учениците ќе имаат подобрени вештини за возење на велосипед и секако добро да се забавуваат додека возат.
Времетраење на активноста:
45 минути
Дополнителни информации:
- Користете креда, конуси или други тврди предмети за да креирате терени и граници. Не се двоумете за варијации или прецизни терени со цел да ги предизвикате учениците. Поставувањето на теренот е добра шанса да ги натерате волонтерите или учениците активно да се приклучат во неговото поставување.
- Родителите исто така можат да бидат вклучени во следење, запазување, и охрабрување на учениците во спроведување на самата активност. Ваквиот вид на активности се одлична шанса за родителите да бидат исто активни, па и тие да научат соодветни велосипедски техники и да ги гледаат учениците како ги подобруваат сопствените велосипедски вештини додека се забавуваат.
- Имајте во предвид дека кога децата се на велосипедите, нормално е да се забавуваат и да се енергични. Вежбајте и демонстрирајте вакви активности однапред. Насочете го ентузијазмот на децата во оформени активности преку јасни правила, фокусирајте се на забава, и гледајте ги учениците како напредуваат и стануваат се подобри во сосптвените велосипедски вештини.
