Деловите кои се составен дел на еден велосипед претставуваат важна и корисна информација во соодветното и правилно користење на велосипедот. Со оваа активност учениците се запознаваат со велосипедските делови и преку визуелен начин на меморирање успеваат да ги запомнат сите.
Како се спроведува самата активност:
Опција 1: Индивидуална
- Наставникот преку својот преносен компјутер ги проектира вело меморија картите, со тоа што е потребно насловот на картите да биде покриен, за да може ученикот да го погоди делот од велосипед.
- Во моментот кога ученикот ќе го даде својот одговор, се открива покриениот дел, за да се увиди дали одговорот е точен.
- Потоа се открива друга карта која го носи истото име на делот, со подетални информации за самиот дел.
Опција 2: Групна работа
*за оваа опција потребно е наставникот/училиштето да ги има добиено физички вело меморија картите. За повеќе информации јавете се во Здружение на Граѓани Еко Логик или на следниот:
- На самиот почеток наставникот го дели одделението во групи (максимален број на ученици во група=4)
- Секоја од групите добива по еден шпил од вело меморија картите.
- Картите се редат на клупа со зелената страна нагоре.
- Во првиот круг, секој од учениците во групата врти само една карта и го меморира велосипедскиот дел од другата страна.
- Веќе од вториот круг, секој од учениците врти по две карти.
- Доколку спои две карти со ист велосипедски дел, ги зема кај себе.
- Победник е оној ученик кој ќе има собрано најмногу велосипедски делови.
Опција 3: Индивидуална
- Доколку е во согласност со нормите, правилата и прописите на наставникот/училиштето/одделението, секој од учениците може да ја симне бесплатно онлајн верзијата на играта Вело Меморија на својот мобилен телефон или таблет, и да ја игра индивидуално според дадените насоки.
- Онлајн играта можете да ја побарате на Play Store како velomemory или веломеморија.
Потребни материјали:
- Проектор+компјутер
- Вело меморија карти (физички)
- Вело меморија бесплатна онлајн игра (мобилен/таблет)
Очекувани резултати:
Запознавање и меморирање на велосипедските делови преку гејмификација.
Времетраење на активноста:
35-40 минути
