Вело Училишта започнува стратешка соработка со АМСМ: Заедно кон побезбедна и поодржлива урбана средина

Со задоволство ја објавуваме нашата нова стратешка соработка со АМСМ (Автономен Моторен Сојуз на Македонија)! Заедно, ќе работиме на унапредување на велосипедизмот и подобрување на безбедноста во сообраќајот, и тоа не само во нашите училишта, туку и во целата заедница.

Како ќе се обединат нашите ресурси?

Во Вело Училишта, имаме развиено програма со квалификувани тренери и обуки за сите кои сакаат да научат повеќе за велосипедизмот и безбедното возење. Сега, со поддршка од АМСМ, нашите активности ќе бидат уште поефикасни. АМСМ обезбедува важни ресурси како велосипеди, заштитни кациги, дресови и промотивни материјали, што ни помага да ги реализираме нашите обуки на највисок можен ниво.

Зголемена безбедност на патиштата

Безбедноста е клучна кога зборуваме за сообраќајот, и затоа работиме на тоа да обезбедиме што поголема свест за правилата на сообраќајот. Со новото партнерство, заедно со АМСМ, ќе организираме обуки, работилници и едукативни курсеви за деца, млади, родители и наставници. Наша цел е да изградиме култура на безбедно возење, каде што кацигите и другата заштитна опрема стануваат секојдневен дел од возењето.

Што следува?

Ова е само почеток! Имаме многу идеи и планови кои ќе ги спроведеме во следните месеци, со цел да ги донесеме овие важни активности во што повеќе училишта и заедници. Вело Училишта и АМСМ ќе продолжат да работат рака под рака за да создадат побезбедна и поодржлива урбана средина за сите.

Не заборавајте да не следите на нашите социјални мрежи за сите нови активности и новости кои ќе следуваат!

Автор Velo Schools