Децата може и треба да се активни учесници во сообраќајот. Но, истовремено, ова бара и поголема внимателност и од нивна, но и од страна на останатите учесници во сообраќајот. Да внимаваме на нив. Обврска е на секој родител и возрасен придружник да ги превземе сите неопходни мерки за безбедноста на децата како учесници во сообраќајот, како и за сите останати. Преку визуелен и аудитивен метод на учење, децата ќе се запознаат, а наставниците и родителите потсетат за основните информации за безбедноста на децата во сообраќајот.
Како се спроведува самата активност:
- Оваа активност е од информативен карактер и ја споделуваме во вид на пишани информации кои се важни за безбедноста на децата во сообраќајот.
- Наставникот на глас ги чита сите важни информации за безбедноста на децата во сообраќајот.
- Многу е важно копија од оваа активност да добијат и останатите наставници во училиштето (електронска или печатена верзија), како и сите родители во одделението и/или родители кои се членови на училишниот одбор на родители. Без разлика колку и да сме запознаени со основните информации за безбедноста на децата во сообраќајот, никогаш не е премногу да тие информации уште еднаш се повторат и споделат.
Потребни материјали:
Испечатен примерок од оваа активност за секој ученик, колеги-наставници, менаџмент на училиштето и родители, доколку сте во можност. Секако, електронска верзија може да се испрати до секој од погоре наведените.
Очекувани резултати:
Учењето на важните информации за безбедноста на децата во сообраќајот се од круцијална важност како за учениците, така и за самите родители.
Времетраење на активноста:
20-30 минути
Дополнителни информации:
Мотиварајте ги учениците и родителите да најдат слика или цртеж, кои визуелно ќе ги покажат некои од цитатите за безбедноста на децата во сообраќајот.
