Постојат различни видови на велосипеди! Меѓутоа најдобриот начин децата и младите да се запознаат со истите е тој да биде креативен, забавен и иновативен.
Преку визуелен и аудитивен метод на учење, преку користење и развивање на својата имагинација и креативност, преку работа во парови или групна форма на работа, учениците ќе имаат можност да ги нацртаат различните видови на велосипеди, слушајќи го описот на друг ученик, кој ќе има визуелен приказ пред него.
Како се спроведува самата активност:
- Начин 1: Поделете ги учениците во парови. Потребно е да бидат свртени со грб еден према друг, односно да не се соочуваат. Едниот ученик добива слика/цртеж на велосипед, и почнува да опишува што гледа на сликата без да открие што е тоа. Слушајќи ги инструкциите и описот, другиот ученик од парот почнува со цртање.
- Начин 2: Ученикот што е задолжен да го црта она што ќе му биде опишано, е да има можност да поставува кратки прашања за велосипедот, како на пример: Какви гуми има велосипедот? (мазни, големи, мали итн..), Дали има крампони на гумите? Дали со тој вид на велосипед можам да возам на планина? Дали со велосипедот можам да возам на нерамен терен? Дали велосипедот има амортизер-колку, преден/заден, и двата? и сл.
- Идејата на оваа активност е да се види каков цртеж ќе произлезе, без да се види истиот.
Сликите од велосипедите можете да ги превземете од следниот:
Потребни материјали:
- Листови хартија
- Молив/пенкало/боици
- Слики/цртежи од велосипеди
Очекувани резултати:
- Преку спроведување на оваа активност, учениците ќе имаат можност да се запознаат со различните видови на велосипеди и нивната примена.
- Развивање на креативност и имагинација.
Времетраење на активноста:
30-40 минути.
Дополнителни информации:
Споделуваме со вас и дополнителни линкови кои можете да ги искористите за спроведување на активноста:
https://spokester.com/blogs/news/types-of-kids-bikes-the-busy-parents-guide
https://www.centurycycles.com/buyers-guides/bicycle-types-how-to-pick-the-best-bike-for-you-pg9.htm
Мотивирајте ги учениците да ги опишуваат деталите, со поставување на кратки и конкретни прашања:
- Какви кочници има велосипедот?
- Какво е седлото?
- Каква е бојата на целиот велосипед?
- Дали има корпа?
- Какви се педалите (пластични, алуминиумски, железни)? и сл.
