Одбележување на Европска недела на мобилност 16-22 Септември 2021
И оваа година Вело Училишта ја одбележува Европската недела на мобилност со организирање на Вело Родео во Скопје.
Дојдете заедно да возиме велосипед, дружиме и забавуваме, едуцираме.
Оваа година возиме под мотото „Учиме за животната средина и климатски промени“
Кога?
На 19.09.2021-недела
Каде?
Скопје, Градски Парк-кај Школка
Време: 11:00-14:00 часот
Главен фокус на настанот е насочен кон препознатливиот вело полигон, а како дополнителни активности се издвојуваат едукативните игри креирани од страна на Здружението на Граѓани Еко Логик, на теми поврзани со заштита и унапредување на животната средина, климатски промени, одржлив развој, одржлив транспорт велосипедизам, безбедност во сообраќај и сл.
Креативните работилници водени од наши познати уметници исто така ќе бидат дел од овој настан, каде најмладите ќе можат неограничено да ја изразат својата имагинација и креативност.
Да не заборавиме имаме и патувачка изложба со ликовни цртежи од ликовните конкурси објавени во изминатите години.
Ветуваме ќе има за секого по нешто!
Годинешното одбележување на Европската недела на мобилност традиционално е во рамките на програмските активности на мрежата Вело Училишта, оваа година и во рамките на „Програмата за унапредување на образованието за животна средина и климатски промени“, поддржана од УНИЦЕФ и Шведската Агенција за Меѓународна Соработка (Sida).
Со голема радост Ве очекуваме заеднички да го дадеме нашиот мал придонес во подобрување на животната средина.
*Ние од тимот на Еко Логик, целосно сме посветени на координација и грижа околу активностите со децата, а во таа насока препорачуваме и апелираме секое дете да носи заштитна кацига. Доколку се случи несакано дејство при самите активности, одговорноста е на родител/старател.
Се гледаме на Школка!
ГАЛЕРИИ
Оваа година возевме под мотото: „Учиме за животна средина и климатски промени“
Цели 
часа постојано возевме, се забавуваме и едуциравме за велосипедизмот, животната средина, климатските промени, одржливиот транспорт и безбедноста во сообраќајот.
Најмладите исто така имаа можност креативно да творат на ликовната работилница која е карактеристичен дел на секој Вело Родео настан.
Вело Родео како настан е препознатлив, впечатлив и одобрен од секој посетител. Школката во Градскиот Парк е нашето традиционално место на кое главниот фокус го има вело полигонот кој е составен од голем број на вежби преку кои се унапредуваат велосипедските вештини кај секое дете, како што се: баланс, контрола, забрзување, забавување, итно кочење и сл.
Огромна благодарност на сите присутни, деца, млади, родители, наставници, извидници, волонтери и целиот тим на организатори.
Вие сте 
на секое Вело Родео.Се гледаме наскоро, а до тогаш само вело и смело 
Facebook Галериja
https://www.facebook.com/media/set?vanity=veloschools&set=a.906415363621174
