На 5-ти јуни 2025 година, на плоштадот „Автокоманда” се одржа Вело Родео – настан кој ги врати детската радост и ја истакна важноста на одржливиот начин на живот и заштитата на животната средина. Организирано од Вело Училишта со поддршка и финансиска помош од Општина Гази Баба, оваа иницијатива имаше за цел да ги инспирира најмладите и нивните семејства да го доживеат велосипедот како еколошка, здрава и забавна алтернатива за секојдневна мобилност.
Под мотото „Играј, учи, вози!“, Вело Родео понуди богата и интерактивна програма која поттикна возење велосипед како начин на одржлив живот, но и како забавен начин на движење и учење.
Што се случуваше на настанот?
- ◾️Вело полигон – Децата имаа можност да ги вежбаат своите велосипедски вештини и да ги научат основните правила за безбедно возење.
- ◾️Друштвени игри и вело меморија – Игри кои развиваат логичко размислување и моторика, а истовремено се и забавни.
- ◾️Бесплатна проверка и поправка на велосипеди – Тимот на BikeStore – Делoви за Велосипед обезбеди секое дете да вози безбедно и без технички проблеми.
- ◾️Изложба на детски цртежи – Уметнички творби инспирирани од темата за велосипедскиот град, со цел афирмација на креативноста и љубовта кон природата.
- ◾️LEGO активности и извиднички игри – Во соработка со Детски едукативен центар ЖАБЕЦ и Сојузот на извидници на Македонија, овие активности ја развиваа креативноста, тимската работа и соработката меѓу децата.
Заеднички напори за почиста и поздравa средина
Овој настан го потенцираше значењето на велосипедот како средство за одржлива мобилност кое придонесува за намалување на загадувањето и подобрување на здравјето. Организацијата и одвивањето на Вело Родео беа овозможени благодарение на поддршката од повеќе партнери кои вложија своето знаење, време и енергија:
- ◾️Вело Училишта (организатор)
- ◾️Општина Гази Баба (поддржувач и финансиски партнер)
- ◾️АМСМ (главни поддржувачи на годишната програма на Вело Училишта)
- ◾️Eco – Logic
- ◾️Детски едукативен центар ЖАБЕЦ
- ◾️Сојуз на извидници на Македонија
- ◾️BikeStore – Делoви за Велосипед
- ◾️Волонтерски Центар Скопје (волонтери за непречено одвивање настанот)
Голема благодарност и до нашите спонзори:
- ◾️Горска вода – за обезбедената хидратација
- ◾️Винчини – за вкусните задоволства што го збогатија настанот
Порака за иднината
Вело Родео беше многу повеќе од само еден настан. Тоа беше порака за грижа кон животната средина, за активен и здрав начин на живот и силен поттик за идните генерации да ја сакаат природата и движењето. Го охрабруваме секое дете и секој родител да го земат велосипедот и да започнат своја зелена авантура, со цел заеднички да создадеме почист и поздрав свет за сите нас.
Овој настан е финансиски поддржан од Општина Гази Баба.