Velo Schools е партнер во проектот RE:ENGAGE, кој има за цел градење на капацитетите, унапредување на способностите и овозможување на препознавање на таргет групите преку мобилност.
Проектот е насочен кон т.н. NEET млади – млади кои не се во работен однос, образование или обука. Посебен фокус ќе биде ставен на поголемото вклучување на девојките, преку активности кои ќе придонесат за нивно активно учество и поголема инклузивност.
Досега успешно се одржа kick-off состанокот на партнерите, на кој беа поставени основите за реализација на проектот. Во моментов партнерските организации се подготвуваат за спроведување на првиот камп, кој претставува почеток на активностите предвидени во рамки на проектот.
Во текот на имплементацијата ќе бидат изработени повеќејазични алатки и прирачници, со цел да се обезбедат практични ресурси за работа со целните групи. Покрај тоа, проектот ќе поттикне спроведување на различни иницијативи и користење на сторителинг како начин за споделување искуства и промовирање на активното учество на вклучените лица.
Проектот го предводи Националниот младински совет на Македонија (НМСМ), а се реализира во партнерство со Velo Schools, Bündnis für klimaschonende Initiativen und Kooperationen in Europa (BIKE) од Австрија и SDRUZHENIE REACT од Бугарија.
