Референтен број на проектот: 2026-1-MK01-KA153-YOU-000390380
Почеток на проектот: 01.06.2026
Времетраење: 12 месеци
Крај на проектот: 31.05.2027
Координатор на проектот: Velo Schools (МК)
Партнерски организации: Active Zone Outdoor (CY), CENTRO SOCIAL E PAROQUIAL SANTOS MARTIRES (PT)
Опис на проектот
Педал Грин – Инклузивен велосипедизам, животна средина и младинска работа е проект во рамки на програмата Еразмус+ KA153, насочен кон зајакнување на компетенциите на младинските работници во областа на инклузивен велосипедизам, одржливата мобилност и еколошката едукација.
Преку практична обука, неформално учење и меѓународна размена на искуства, младинските работници ќе стекнат знаења и вештини за креирање и спроведување достапни и инклузивни велосипедски активности за млади со попреченост и млади со помалку можности.
Цели
- Зајакнување на вештините на младинските работници за инклузивна и достапна младинска работа.
- Развивање компетенции за дизајнирање и спроведување инклузивни велосипедски активности.
- Промовирање на одржливата мобилност, еколошката свест и здравите животни навики.
- Унапредување на примената на методи на неформално и искуствено учење.
- Зајакнување на меѓународната соработка и размената на добри практики меѓу младинските организации.
Очекувани резултати
- Младински работници со унапредени компетенции во областа на инклузивната младинска работа и адаптививен велосипедизам.
- Практични, готови за употреба инклузивни велосипедски активности и едукативни материјали.
- Зголемена свест за животната средина и одржливата мобилност.
- Локални пилот-активности преку кои ќе се применуваат стекнатите знаења и методи по завршувањето на мобилноста.
- Зајакната соработка меѓу младинските организации и релевантните локални чинители.
- Поголемо учество на млади со попреченост и млади со помалку можности во инклузивни активности на отворено и велосипедски активности.
