Најдобриот начин да се унапредува самата вештина за возење велосипед, како и да се научат основните информации за безбедност во сообраќајот е да се вежба теоретски и практично.
Активностите кои ги споделуваме преку серијалот на активности за велосипедизам се одличен начин за учениците да ги унапредат сопствените велосипедски вештини во безбедна средина без сообраќај, додека истовремено се забавуваат и учат нови нешта.
Со оваа активност учениците ќе можат да се подобрат во возењето на велосипед со една рака, како и одржувањето на контрола и баланс.
Како се спроведува самата активност:
- Оваа активност е една од повеќето активности кои ги споделуваме за практично унапредување на велосипедските вештини, употребувајќи и доза на креативност и забава.
- Активноста се вика разнесување на весници. За истата се потребни неколку картонски кутии, неколку свиткани весници и ташна за на рамо.
- Потоа се поставуваат целите на теренот каде ќе бидат поставени картонските кутии и учениците треба да возат по теренот фрлајќи ги весниците на означените цели.
- Оваа активност го подобрува балансот, координацијата, и возењето со една рака – и исто така е забавно.
Потребни материјали:
- Велосипед/и
- Заштитна кацига
- Ташна за на рамо
- Весници
- Корпи/кутии
Очекувани резултати:
Унапредување на сопствените велосипедски вештини: возење со една рака, контрола, одржување на рамнотежа и сл.
Времетраење на активноста:
45 минути
Дополнителни информации:
- Користете креда, конуси или други тврди предмети за да креирате терени и граници. Не се двоумете за варијации или прецизни терени со цел да ги предизвикате учениците. Поставувањето на теренот е добра шанса да ги натерате волонтерите или учениците активно да се приклучат во неговото поставување.
- Родителите исто така можат да бидат вклучени во следење, запазување, и охрабрување на учениците во спроведување на самата активност. Ваквиот вид на активности се одлична шанса за родителите да бидат исто активни, па и тие да научат соодветни велосипедски техники и да ги гледаат учениците како ги подобруваат сопствените велосипедски вештини додека се забавуваат.
- Имајте во предвид дека кога децата се на велосипедите, нормално е да се забавуваат и да се енергични. Вежбајте и демонстрирајте вакви активности однапред. Насочете го ентузијазмот на децата во оформени активности преку јасни правила, фокусирајте се на забава, и гледајте ги учениците како напредуваат и стануваат се подобри во сосптвените велосипедски вештини.
