Замислете свет каде секое дете, наставник или родител може безбедно и еколошки да се движи. Тоа е токму пораката на Европската недела на мобилност 2025: „Мобилност за сите“. Во овој контекст, училиштата–членки на програмата Вело Училишта покажаа дека велосипедот не е само превозно средство, туку и извор на здравје, забава и инспирација.
Во септемврискиот повик „Вело училиште на месецот“, училиштата активно се вклучија со бројни креативни, инклузивни и инспиративни активности кои го промовираат велосипедизмот и одржливата урбана мобилност.
Програмата Вело Училишта не само што го поттикнува физичкото здравје и еколошката свест кај децата, туку и ја зајакнува заедницата преку инклузивни и креативни активности. Преку активното учество на учениците, наставниците и родителите, се создава култура на одржлива мобилност која ги подготвува младите за безбедно и еколошки одговорно секојдневие.
